Balades >> Balade 122

Je ne doubte qu'Envie et Traison

Incipit Je ne doubte qu'Envie et Traison
Titre Balade
 
Emplacement dans le ms. de référence 28b
Présence dans d'autres manuscrits ---
 
Éditions antérieures
N° de la pièce dans le ms. de référence CXXII

Balade

 

 

Je ne doubte qu'Envie et Traison

 

 

Qui vont a court pour moy nuire et grever

 

 

A mon desceu. Mais s'ilz treuvent Raison

 

 

Riens ne croira sanz moy faire appeler.

5

 

Se present suit, ilz n'oseront jangler,

 

 

Car en touz cas garderay mon honeur.

 

 

Et s'ilz me heent, a tout considerer,

 

 

C'est pour garder le droit de mon seigneur.

 

 

 

 

 

Mais toudis est Loyauté en saison

10

 

Qui se deffent en guise de sangler :

 

 

Tousjours loial vueil garder sa maison

 

 

Et Justice, sanz riens dissimuler.

 

 

C'est ce qui fait contre moy murmurer,

 

 

Ne Traison n'y scet autre coulour.

15

 

Envie bruit, qui me veult diffamer,

 

 

C'est pour garder le bien de mon seigneur.

 

 

 

 

 

Pour ce supplie en ma conclusion

 

 

Au souverain qui tous faiz doit peser,

 

 

Qu'il ne se meuve parSaint-Hilaire corrige en en indignacion

20

 

Pour l'accusant, sanz partie escouter :

 

 

Faulx rapporter doit sires rebouter

 

 

Et le mauvais pugnir de sa rigueur.

 

 

Mais s'innocent me fault pour ce endurer,

 

 

C'est pour garder le droit de mon seigneur.