Balades >> Balade 173

Goupil en faiz et mastin en courage

Incipit Goupil en faiz et mastin en courage
Titre Autre Balade
 
Emplacement dans le ms. de référence 38b-c
Présence dans d'autres manuscrits ---
 
Éditions antérieures
N° de la pièce dans le ms. de référence CLXXV

Autre Balade

 

 

Goupil en faiz et mastin en courage,

 

 

 

 

Lyevre au dessoubz, lyon a tort dessus,

 

 

 

 

Chas agaitans, tigre dure et sauvage,

 

 

 

 

Bugles songans, ours rudes et velus,

 

 

5

 

Boucs eschauféz et pourceauls malostrus,

 

 

 

 

Loups ravissans le sang de char humaine,

 

 

 

 

Asnes pesans, et herissons opintus,

 

 

 

 

Pour quoy veulz tu les brebis et leur laine ?

 

 

 

 

 

 

 

 

 

Plus que Phiton merveilleux a oultrage,

 

 

10

 

Escorpion qui seult poindre les nus,

 

 

 

 

Cuer plus coulant que couleuvre en marage,

 

 

 

 

Souriette qui a les dens agus,

 

 

 

 

Tout est rungé ou tu t'es embatus :

 

 

 

 

Avoir ne puet fors que tourment et paine.

 

 

15

 

Grifons des mains qui mieulx prannent que glux,

 

38c

 

 

Pour quoy veulz tu les brebis et leur laine ?

 

 

 

 

 

 

 

 

 

Laisse au bestail son povre pasturage,

 

 

 

 

Ton domptement, et tant aras tu plus.

 

 

 

 

Qui escorche sa beste, il n'est pas saige,

 

 

20

 

Car jamais jour ne prandra noient sus.

 

 

 

 

Chiens convoiteus est mainte fois deçus

 

 

 

 

En convoitant, procure male estraine.

 

 

 

 

Et puisqu'ainsis est pour ce confundus,

 

 

 

 

Pour quoy veulz tu les brebiz et leur laine ?