Balades >> Balade 181

N'a pas long temps qu'en une region

Incipit N'a pas long temps qu'en une region
Titre Balade
 
Emplacement dans le ms. de référence 39d-40a
Présence dans d'autres manuscrits ---
 
Éditions antérieures
N° de la pièce dans le ms. de référence CLXXXIII

Balade

 

 

N'a pas long temps qu'en une region

 

 

 

 

Vi en dormant dolereuse assemblee,

 

 

 

 

Ce fut Orgueil chevauchant le lion,

 

 

 

 

Ire emprés lui qui se fiert d'une espee,

 

 

5

 

Sur un loup siet. Envie la dervee

 

 

 

 

Dessus un chien aloit fort murmurant,

 

 

 

 

Avarice gouverne la contree :

 

 

 

 

Onques ne vi si dolereuse gent.

 

 

 

 

 

 

 

 

 

Car celle avoit or, joyaulx a foison,

 

 

10

 

Et languissoit d'acquerre entalentee.

 

 

 

 

Paresce aprés dormoit une saison,

 

 

 

 

En l'an n'a pas sa quenoille fillee.

 

 

 

 

Sur l'asne siet la povre escheveulee

 

 

 

 

Qui en touz lieux est toudis indigent.

 

 

15

 

Glotonnie fut sur un ours posee,

 

40a

 

 

Onques ne vi si dolereuse gent.

 

 

 

 

 

 

 

 

 

Celle mettoit tout a destruction,

 

 

 

 

Par gourmander avoir la pence emflee.

 

 

 

 

Luxure estoit moult pres de son giron

 

 

20

 

Qui chevauchoit une truie eschaufee,

 

 

 

 

Mirant, pignant s'aloit comme une fee

 

 

 

 

Et attraioit maint homme en regardant.

 

 

 

 

Mais trop puoit sa trace et son alee,

 

 

 

 

Onques ne vi si dolereuse gent.

 

 

 

 

 

 

 

 

 

L'envoy

 

 

 

 

 

 

 

25

 

Princes, moult est la terre deserte[e]

 

 

 

 

Ou telz vices sont seignour et regent.

 

 

 

 

Regne s'en pert et ame en est dampnee,

 

 

 

 

Onques ne vi si dolereuse gent.