Balades >> Balade 261

Vielle de murs, vefve de chastellain

Incipit Vielle de murs, vefve de chastellain
Titre Autre Balade
 
Emplacement dans le ms. de référence 56d-57a
Présence dans d'autres manuscrits ---
 
Éditions antérieures
N° de la pièce dans le ms. de référence CCLXIV

Autre Balade

 

 

Vielle de murs, vefve de chastellain,

 

 

 

 

Jusques a cy destruite et desolee,

 

 

 

 

D'officiers et receveurs me plain

 

 

 

 

Qui laissee m'ont pourrie et enfumee,

 

 

5

 

Place royal qui deusse estre emparee

 

 

 

 

Pour recevoir les gens de mon seigneur,

 

 

 

 

Par leur default sui trop desemparee,

 

 

 

 

Chascuns ne quiert fort proufit sanz honeur.

 

 

 

 

 

 

 

 

 

Autant vaudroit estre logiéz a plain

 

 

10

 

Com dedenz moy qui trop suis desertee,

 

 

 

 

Chief de chastel du Prince souverain,

 

 

 

 

Ou nulz n'ose faire sa demouree.

 

 

 

 

Mes braies sont et ma terrace usee.

 

 

 

 

Prins ont en moy, sanz riens mettre du leur,

 

 

15

 

Mes gouverneurs qui m'ont mal gouvernee :

 

 

 

 

Chascuns ne quiert fors proufit sans honeur.

 

 

 

 

 

 

 

 

 

Et si deust l'en retenir pour certain

 

57a

 

 

Les fors royaulx, car c'est chose ordonnee.

 

 

 

 

Or vous suppli que ma requeste en vain,

 

 

20

 

Que je vous faiz ne me soit refusee.

 

 

 

 

Remparéz moy. De longtemps sui fondee :

 

 

 

 

De moy laissier seroit grand deshoneur,

 

 

 

 

Ou je diray, Tour de Fismes nommee,

 

 

 

 

Chascuns ne quiert fors proufit sanz honeur.