Balades >> Balade 400

Comparer puis a toutes les vertus

Incipit Comparer puis a toutes les vertus
Titre ---
 
Emplacement dans le ms. de référence 164d
Présence dans d'autres manuscrits ---
 
Éditions antérieures
N° de la pièce dans le ms. de référence DXII

---

 

 

Comparer puis a toutes les vertus

 

164d

 

 

Celle pour qui je suy en tel destresce.

 

 

 

 

D'Umilité est ses corps revestus,

 

 

 

 

Et pour donner la gouverne Largesce,

 

 

5

 

Pité la suit et Charité l'adresce,

 

 

 

 

Abstinence la scet bien aresner,

 

 

 

 

Pacience garde c'om ne la blece :

 

 

 

 

On ne pourroit meilleur dame trouver.

 

 

 

 

 

 

 

 

 

Humble la voy en gracieux reffus

 

 

10

 

Vers un chascun qui devers lui s'adresce

 

 

 

 

Pour son honneur, mais donner au surplus

 

 

 

 

Scet largement toute joye et leesce.

 

 

 

 

Piteusement les desvoiéz radresce,

 

 

 

 

Mais Charité la veult a ce mener

 

 

15

 

Que d'autrui mal ne puet avoir leesce :

 

 

 

 

On ne pourroit meilleur dame trouver.

 

 

 

 

 

 

 

 

 

Pour lui servir suy a sa court venus.

 

 

 

 

Son servant suy et elle est ma maistresse :

 

 

 

 

Par sa douçour fu ainsi retenus.

 

 

20

 

Abstinence contraint si sa jeunesce

 

 

 

 

Qu'il n'est vice nul dont elle s'apparesse.

 

 

 

 

Belle et bonne est et tresdoulce en parler.

 

 

 

 

Arbres d'onneur est, Juno la deesse :

 

 

 

 

On ne pourroit meilleur dame trouver.