Balades >> Balade 404

Adieu le bel, le bon, le gracieux

Incipit Adieu le bel, le bon, le gracieux
Titre Autre Balade
 
Emplacement dans le ms. de référence 165c
Présence dans d'autres manuscrits ---
 
Éditions antérieures
N° de la pièce dans le ms. de référence DXVI

Autre Balade

 

 

Adieu le bel, le bon, le gracieux,

 

 

Le noble cuer, de tous biens renommé,

 

 

Gent corps, puissant en tous fais, vertueux,

 

 

Humble, hardy, courtois et bien amé,

5

 

Larges en dons, Alixandre nommé,

 

 

De qui renoms et gentillesce estrive,

 

 

Adieu, adieu, l'un des meilleurs qui vive !

 

 

 

 

 

Pour vo depart est mes cuers douloureux

 

 

Qui au vostre est parfaitement fermé,

10

 

Comme au meilleur et au plus amoureux

 

 

Et le plus vray qui oncques feust formé.

 

 

N'estre de vous ne puet plus bel armé

 

 

Ne que chascun plus voulentiers poursuive.

 

 

Adieu, adieu, l'un des meilleurs qui vive !

 

 

 

15

 

Soiéz toudis vaillans, larges et preux,

 

 

Car de long temps l'avéz acoustumé,

 

 

Et en voz fais de victoire piteux,

 

 

Et ne soiés ja d'onneur diffamé.

 

 

Car noz deux cuers sont si un confermé

20

 

Qu'estre ne puis fors pour vo mal chetive.

 

 

Adieu, adieu, l'un des meilleurs qui vive !