Balades >> Balade 434

Qui est a choiz de deux choses avoir

Incipit Qui est a choiz de deux choses avoir
Titre Balade amoureuse
 
Emplacement dans le ms. de référence 202b-c
Présence dans d'autres manuscrits ---
 
Éditions antérieures
N° de la pièce dans le ms. de référence DCCLXIV

Balade amoureuse

 

 

Qui est a choiz de deux choses avoir,

 

 

 

 

Eslire doit et choisir la meillour.

 

 

 

 

Elle m'a faitSaint-Hilaire corrige en Et si me faut que je prengne savoir :

 

 

 

 

De deux arbres ou la fueille ou la flour :

 

 

5

 

Qu'en la fueille est plaisir pour sa verdour,

 

 

 

 

Et qui resjoist les cuers des vrays amans,

 

 

 

 

Et aux oysiaux fait chanter leurz doulz chans,

 

 

 

 

Et tient toudiz une saison sa place,

 

 

 

 

Maiz quant au fort sa beauté est nians.

 

 

10

 

J'aim plus la fleur que la fueille ne face.

 

 

 

 

 

 

 

 

 

Car la fueille n'a pas tant de pouoir,

 

 

 

 

De bien, de senz, de force et de valour

 

 

 

 

Comme la flour. Et ce puet apparoir

 

 

 

 

Qu'elle a beauté, bonté, fresche coulour,

 

 

15

 

Et rent a tous tresprecieux odour,

 

 

 

 

Et fait bon fruit que mains sont desirans,

 

 

 

 

Duquel avoir est uns chascuns engrans.

 

 

 

 

Maiz la fueille sans flour et fruit trespasse,

 

 

 

 

Et sans odour devient poudre en tous temps.

 

 

20

 

J'aim plus la fleur que la fueille ne face

 

 

 

 

 

 

 

 

 

Pour ce qu'elle vault mieulx, a dire voir,

 

 

 

 

Que la fueille qui n'a nulle douçour,

 

 

 

 

Et fruit ne fait au matin ny au soir.

 

 

 

 

La fueille n'est fors que pour faire honnour

 

202c

25

 

Et pour garder celle fleur nuit et jour

 

 

 

 

De la pluie, du tempest [et] des vans,

 

 

 

 

Comme celle qui n'est que [sa] servans,

 

 

 

 

Maiz en tous temps a fleur de tous la grace.

 

 

 

 

Comme belle, gracieuse et plaisans.

 

 

30

 

J'aim plus la fleur que la fueille ne face.