Balades >> Balade 643

Maiz qu'uns homs soit bien vestus et forrés

Incipit Maiz qu'uns homs soit bien vestus et forrés
Titre Balade comment on honoure au jour d'ui plus l'abit que le porteur d'icellui
 
Emplacement dans le ms. de référence 261a
Présence dans d'autres manuscrits ---
 
Éditions antérieures
N° de la pièce dans le ms. de référence DCCCCXCIII

Balade comment on honoure au jour d'ui plus l'abit que le porteur d'icellui

 

 

Maiz qu'uns homs soit bien vestus et forrés

   

 

 

Et qu'i sache faire une petit le grant,

   

 

 

Croler le front, et qu'il ait a un lez

   

 

 

Aucun qui soit ainsy que son servant,

   

5

 

On ly dira : ― Sires, passés avant.

   

 

 

Pour son habit, et c'est ce qui me tue,

   

 

 

Ou il ne scet souventesfois neant

   

 

 

Ne plus que fait une buche vestue.

   

 

 

 

   

 

 

Ainsy fait on souvent des menestrés :

   

10

 

Pour leurs habis les vont maint honorant.

   

 

 

Povre varlet sont souvent appellés

   

 

 

Gentil homme, ce font leur garnement.

   

 

 

Un mal vestu est appellé truant.

   

 

 

Nul ordre n'est au monde a droit tenue.

   

15

 

Ne me congnois en cest siecle a present

   

 

 

Ne plus que fait une buche vestue.

   

 

 

 

   

 

 

Les vertueux ne sont point honorés

   

 

 

Ne ceulx qui vont simple estat demenant,

   

 

 

Ains sont toudis de maintes gens moqués

   

20

 

Et par ce va tout anientissant,

   

 

 

Li ancien veulent faire l'enfant.

   

 

 

De jour en jour tout se change et remue,

   

 

 

Nulz de ses maulx ne s'advise ouMs. ne reprent

  Ms. +1

 

 

Ne plus que fait une buche vestue.