Balades >> Balade 675

Je vous ayme. De quel amour, amis

Incipit Je vous ayme. De quel amour, amis
Titre Balade
 
Emplacement dans le ms. de référence 272a-b
Présence dans d'autres manuscrits ---
 
Éditions antérieures
N° de la pièce dans le ms. de référence MXXXII

Balade

 

 

― Je vous ayme. ― De quel amour, amis ?

 

 

 

 

 

― De tel amour qu'om doit sa dame amer.

 

 

 

 

 

― Comme l'aime on ? ― L'en n'est pas ennemis,

 

 

 

 

 

Car on se doit baisier et acoler,

 

 

 

5

 

Joindre de prés doulcement, et celer

 

 

 

 

 

A toute gent le secret de nature.

 

 

 

 

 

La rent Amour sa joieuse pasture

 

 

 

 

 

Aux amoureux, c'est li savoureus dons

 

 

 

 

 

Que prandre en gré doit toute creature :

 

 

 

10

 

A dire voir, c'est pour quoy nous amons.

 

 

 

 

 

 

 

 

 

 

 

― Améz vous donc que vous soiéz honnis,

 

 

 

 

 

Pour vo dame vouloir deshonourer,

 

 

 

 

 

Et faictes vous difference ou devis

 

272b

 

 

 

Entre nulles pour leur honour garder ?

 

 

 

15

 

― Oil. ― Comment ? ― Celles a marier

 

 

 

 

 

Fault espargnier, car pas n'ont couverture

 

 

 

 

 

Quant a honeur, si seroit grant laidure.

 

 

 

 

 

Mais des autres couvertes nous taisons,

 

 

 

 

 

Qui puelent bien d'amour porter la cure :

 

 

 

20

 

A dire voir, c'est pour quoy nous amons.

 

 

 

 

 

 

 

 

 

 

 

― Amours est donc saige, ce m'est advis,

 

 

 

 

 

Quant il veult loy entre femmes donner.

 

 

 

 

 

Mais Nature le souferroit envis

 

 

 

 

 

Qui a toutes vuelt son pouoir monstrer.

 

 

 

25

 

Amour ne voit, nulle n'en puet aler

 

 

 

 

 

Puis qu'elle sent l'amoureuse pointure,

 

 

 

 

 

Soit vierge ou non, tele est d'amour l'ardure

 

 

 

 

 

Qui se boute partout a reculons.

 

 

 

 

 

― Vous dittes bien, c'est tresdouce pastureMs. pastoure :

 

 

 

30

 

A dire voir, c'est pour quoy nous amons.

 

 

 

 

 

 

 

 

 

 

 

L'envoy

 

 

 

 

 

 

 

 

 

 

 

PrinceMs. Princes, en amour tant de douçour figure

 

 

Ms. +1?

 

 

Que qui se puet bouter en sa jointure

 

 

 

 

 

Et il s'i scet bien aider des talons,

 

 

 

 

 

Il ne vouldroit ja autre nourreture

 

 

 

35

 

Pour ce delit trouver qui petit dure :

 

 

 

 

 

A dire voir, c'est pour quoy nous amons.