Balades >> Balade 736

Il faut un temps qu'a la court frequenter

Incipit Il faut un temps qu'a la court frequenter
Titre Balade
 
Emplacement dans le ms. de référence 292c-d
Présence dans d'autres manuscrits ---
 
Éditions antérieures
N° de la pièce dans le ms. de référence MCIV

Balade

 

 

Il faut un temps qu'a la court frequenter

 

292d

 

 

N'estoit que bon, et d'y tenir son corps,

 

 

 

 

Pour vir honeur, pour vaillance hanter,

 

 

 

 

Oir les bons qui gouvernoient lors

 

 

5

 

Aprandre d'eulx et estre aux vertus fors,

 

 

 

 

Mais asséz tost aprés changa li temps,

 

 

 

 

Qu'avoir a court un pié hors et l'autre ens

 

 

 

 

Fut le meilleur, et d'y sçavoir du hourt.

 

 

 

 

Mais au jour d'uy je voy que c'est grant sens

 

 

10

 

D'avoir deux piéz de tous poins hors de court.

 

 

 

 

 

 

 

 

 

Car on y voit perilleus vens venter

 

 

 

 

Qui tresbuchent et versent les plus fors

 

 

 

 

Par cas soudain et les font craventer,

 

 

 

 

Perdre et perir sanz plus estre ressors

 

 

15

 

En un moment, car quant plus ont tresors

 

 

 

 

Et plus cuident estre hault et puissans,

 

 

 

 

Donc viens tu, Fortune, et tes consens,

 

 

 

 

Qu'en tumant bas prangnent grant cop et lourt.

 

 

 

 

Dont, quant a moy, je pas ne me repensMs. repent

 

 

20

 

D'avoir .ii. piéz de tous poins hors de court.

 

 

 

 

 

 

 

 

 

Petiz bas lieux sont trop moins a doubter.

 

 

 

 

Car tant n'y a dangers ne desconforts

 

 

 

 

Ne telz perilz comme de soy bouter

 

 

 

 

Es haulz clochers que les granz vens font tors.

 

 

25

 

Maintes gens sont par trop hault monter mors,

 

 

 

 

Pour ce fait bon ouvrer es pavemens

 

 

 

 

Et delaissier ces perilleux tourmens

 

 

 

 

Ou chascun fuit par convoitise et court,

 

 

 

 

Dont mieulx vaulsist a main, si com je sens,

 

 

30

 

D'avoir .ii. piéz de tous pins hors de court.