Balades >> Balade 930

Il vauldroit mieulx l'omme de faim perir

Incipit Il vauldroit mieulx l'omme de faim perir
Titre Balade que bonne renommee vault mieux a homme que fin or
 
Emplacement dans le ms. de référence 368c-d
Présence dans d'autres manuscrits ---
 
Éditions antérieures
N° de la pièce dans le ms. de référence MCCCLIV

Balade que bonne renommee vault mieux a homme que fin or

 

 

Il vauldroit mieulx l'omme de faim perir,

 

 

 

 

 

Tant soit puissans, que mal renom avoir.

 

 

 

 

 

Renoms mauvais fait tout homme ha[i]r

 

 

 

 

 

Et sanz cause dommaige recevoir

 

 

 

5

 

Souventefois, mais l'en puet percevoir

 

 

 

 

 

Que bons renoms et sa suite est amee

 

 

 

 

 

En tous pais, pour ce vous fait sçavoir :

 

 

 

 

 

Plus que fin or vault bonne renommee.

 

 

 

 

 

 

 

 

 

 

 

Par couvoitier, par prandre et par tolir,

 

 

 

10

 

Par cruauté, par autruy decepvoir,

 

 

 

 

 

Par mal parler, mal faire, par mentirMs. souvent mentir

 

 

Ms. +2

 

 

Puet un chascun mal renom concepvoir.

 

 

 

 

 

Mais li bons cuers qui veult user du voir,

 

 

 

 

 

Autruy amer, avoir langue afrenee,

 

 

 

15

 

Fait en tous lieux son bon nom remanoir :

 

 

 

 

 

Plus que fin or vaut bonne renommee.

 

 

 

 

 

 

 

 

 

 

 

Mauvais renoms fait maint homme mourir,

 

368d

 

 

 

Aprés sa mort en valent pis si hoir.

 

 

 

 

 

Bons renoms fait l'omme amer et cherir,

 

 

 

20

 

Au monde n'a si precieus avoir.

 

 

 

 

 

Face donc bien chascun a son pouoir,

 

 

 

 

 

Car par le bien sera l'ame sauvee.

 

 

 

 

 

Et par le mal puet asséz apparoir :

 

 

 

 

 

Plus que fin or vault bonne renommee.