Balades >> Balade 989

Uns homs congnoit au bien chacier

Incipit Uns homs congnoit au bien chacier
Titre Autre Balade
 
Emplacement dans le ms. de référence 444d
Présence dans d'autres manuscrits ---
 
Éditions antérieures
N° de la pièce dans le ms. de référence MCCCCLVIII

Autre Balade

 

 

Uns homs congnoit au bien chacier

 

 

Un chien de sa muete a la chace :

 

 

Entre les autres l'a plus chier,

 

 

Quant la beste lieve de place ;

5

 

Se bien la poursuit et la chace

 

 

Sanz changier jusques a la mort,

 

 

Son droit lui rend et l'a en grace :

 

 

Qui autrement fait, il a tort.

 

 

 

 

 

Les jeunes chiens fait enseignier

10

 

Et les mener par droicte trace,

 

 

Pour mieulx aprandre leur mestier.

 

 

Et s'il est qu'aucun se defface,

 

 

On le bat, forhuie et menace,

 

 

Quant au change va et se tort,

15

 

A tel fin qu'il ne se mefface :

 

 

Qui autrement fait, il a tort.

 

 

 

 

 

Ainsis n'est pas a droit jugier

 

 

Entre les hommes qui ont face :

 

 

A congnoistre ont les oeulx derrier,

20

 

Car Voulenté qui Raison pace,

 

 

Homme congnoistre qui bien face

 

 

Ne laisse. Folie a le port,

 

 

Et regne en ligne et en espace :

 

 

Qui autrement fait, il a tort.

 

 

 

 

 

L'envoy

 

 

 

25

 

Princes, tout homme se soulace

 

 

En vaine gloire ou il s'enlace

 

 

Tant que vertus en pluseurs dort.

 

 

N'aient plus les yeulx de lymace !

 

 

Advisent que chascun trespace !

30

 

Qui autrement fait, il a tort.