Balades >> Balade 991

Vouléz vous apprandre comment

Incipit Vouléz vous apprandre comment
Titre Balade pour reformer le monde en mieulx
 
Emplacement dans le ms. de référence 445b-c
Présence dans d'autres manuscrits ---
 
Éditions antérieures
N° de la pièce dans le ms. de référence MCCCCLX

Balade pour reformer le monde en mieulx

 

 

Vouléz vous apprandre comment

 

 

 

 

Ce monde sera reformé

 

 

 

 

Et que tout yra autrement

 

 

 

 

Et mieulx qu'il n'a long temps alé ?

 

 

5

 

Lors ne serons plus ravalé,

 

 

 

 

Ne n'arons l'indignacion

 

 

 

 

De Dieu ne la pugnicion,

 

 

 

 

Guerre, mortalité ne plait :

 

 

 

 

Faisons donc en conclusion

 

 

10

 

Le contraire de quanqu'om fait.

 

 

 

 

 

 

 

 

 

Et que fait on presentement ?

 

 

 

 

Tous maulx, toute crudelité.

 

 

 

 

On rapine, on parjure, on ment.

 

 

 

 

L'un a l'autre fait fausseté,

 

 

15

 

En faingnant signe d'amisté.

 

 

 

 

Tout regne est en division.

 

 

 

 

Justice fault, loy et raison,

 

 

 

 

Quant l'en ne pugnit nul meffait.

 

 

 

 

Faisons donc en conclusion

 

 

20

 

Le contraire de quanqu'om fait.

 

 

 

 

 

 

 

 

 

Quel scisme a il trop longuement

 

 

 

 

En l'Eglise, c'est grant pité,

 

 

 

 

Par le mauvias gouvernement

 

 

 

 

Des suppos qui ont tout gasté !

 

 

25

 

L'un a vendu, l'autre achaté

 

 

 

 

Les biens Dieu : quel vendicion !

 

 

 

 

L'orgueil de tous, l'elacion,

 

 

 

 

Trop d'estas nous gastent ce fait :

 

 

 

 

Faisons donc en conclusion

 

 

30

 

Le contraire de quanqu'om fait.

 

 

 

 

 

 

 

 

 

Prince, je tien certainement

 

445c

 

 

Que paix et bon entendement

 

 

 

 

Revendront partout a souhait,

 

 

 

 

Mais que l'en face promptement

 

 

35

 

De bon cuer continulment

 

 

 

 

Le contraire de quanqu'om fait.