Les grandes et inestimables Cronicques : du grant et enorme geant Gargantua

Cette version anonymes des Grandes et inestimables Cronicques : du grant et enorme geant Gargantua constituent la plus ancienne version connue des aventures de Gargantua.

Ce texte a fait l'objet d'une édition critique, respectueuse de la ponctuation (le fait est suffisamment rare pour être souligné), par Mireille Huchon.

Consulter la notice dans les Bibliothèques virtuelles humanistes >>>>>

Transcription de l'édition de Lyon, 1532.

1

LEs grandes et
inestimables Cronicques : du grant et enor=
me geant Gargantua : Contenant sa genealogie,
La grandeur & force de son corps. Aussi les merveil=
lieux faictz darmes quil fist pour le Roy Artus, com=
me verrez cy apres. Imprime novellement. 1532
[illustration]

2

¶ Comment au temps du bon roy Artus il
estoit ung tresexpert Nigromancien que
on appelloit Merlin. TOus bons chevailliers et gentilz hom=
mes vous debvez scavoir que au temps
du bon roy Artus, il estoit ung grant
philosophe nomme merlin. Lequel estoit
expert en lart de nigromance plus que
nul homme du monde. Lequel jamais
ne cessa de secourir letat de noblesse, dont il merita
par ces faitz estre appelle prince des nigromanciens.
Ledict Merlin fit de grandes merveilles, lesquel=
les sont fortes a croire a ceulx qui le les ont veues.
Merlin estoit du grant conseil du roy Artus, & tou
tes les demandes quil faisoit en la court dudit Roy,
luy estoyent octroyées, fust pour luy ou pour aul=
tres. Il guarentit le Roy et plusieurs de ses barons
et gentilz hommes de grans perilz et dangiers. Il
fist plusieurs grans merveilles. Entre lesquelles il
fist une navire de cinq cens tonneaulx qui alloit va
gant sur terre ainsi que vous en voyez sur mer. Et
plusieurs aultres merveilles qui sont trop prolixes
a racompter comme vous verrez plus a plain.
¶ Comment Merlin dist au roy Artus que il au=
roit beaucoup daffaires contre ses ennemys.
APres plusieurs merveilles faictes par
Merlin, a la louenge & aut prouffit du
roy Artus, Merlin dist. Treschier et
magnanime prince vueillez scavoir que
vous aurez beaucoup daffaires contre

3

voz ennemys. Parquoy sil vous plaist je y veulx
remedier, puis que suis a vostre service, car tousjours
ny pourray estre, car je seray trompe & detenu par fem
mes, mais soyes certain que tant que seray en mon
liberal arbitre je vous garderay de la main de voz
ennemys. Atant parla le roy a Merlin et luy dist.
Dea Merlin nest il possible de eviter ce perit pour
tout mon royausme, non pas dist Merlin pour tout
le monde. Adonc dist le Roy que il fist ce que il luy
plairoit, et qui nesparne riens de son Royaulme.
Alors Merlin mercia le roy de loffre quil luy faisoit.
Luy qui scavoit toutes choses, Cest a scavoir le temps
passe par ses ars, et le temps a venir par le vouloir
de dieu. Ledit Merlin print congie du bon Roy, & se
fist porter a la plus haulte montaigne de orient, et
porta une ampolle du sang de Lancelot quil avoit
recueillie de ses playes apres que il avoit tournoye
ou combatu contre aulcun chevallier. Oultre plus
porta la rongneure des ongles des doibs de la belle
Genievre espouse du roy Artus, qui pesoyent lestima=
tion de .x. livres. Merlin estant a la montaigne sur
le hault dicelle fist une enclume dacier grosse com=
me une tour, et lese marteaulx convenable jusques
au  nombre de troys. Lesquelz par ses ars il fist que
ilz frappoyent si empetueusement sur lenclume que
il semblois que se fust fouldre qui descendist du ciel,
et tout par compas.
¶ Comment Merlin fist apporter les ossemens
de deux balleines pour faire le pere et la mere
de Gargantua.

4

INcontinent que Merlin eut entendu ses
marteaulx, il fist apporter les ossemens de
une balleine masculine, & les arrousa du
sang de ladicte ampolle, & les mist sur le=
clume, & en brief furent consommez lesdictz ossemens
et mis en pouldre, & adonc par la challeur du soleil
de lenclume & des marteaux fut engendre le pere de
Gargantua, moyennant ladicte pouldre. Apres Merlin
fist apporter les os de une balleine fumelle, & mes=
la les susdictz ongles de la royne, puis mist le tout
sur lenclume comme ka avoit faict. Et de icelle poul=
dre fut faicte la mere dudict Gargantua.
¶ Comment Merlin fist une merveilleuse jument
pour porter le pere & la mere de Gargantua.
APres que Merlin eut acheve ceste merveil=
leuse besongne. Il neust pas si tost pouse la
derniere pouldre pour faire la femme que il
veist lhomme qui estoit de la grosseur dune balaine, &
de longueur a lequippollent comme doibt estre ung
droict homme : ce voyant Merlin getta son sort sur
luy, et le fist dormir jusques a neuf jours ausquelz
neuf jours debvoit estre faicte la femme. Le prince
Merlin voyant le geant endormy proposa luy faire
une beste pour le porter. Et pource regarda ca & la,
et veit les relicques de une jument que il print, & mist
sus lenclume & en fist une si grant jument & si puis=
sante quelle povoit bien porter les deux aussi facil
lement que faict ung cheval de dix escus ung simple
homme & apres ce lenvoya paistre aval la montaigne.
¶ Comment Merlin rompit les enchantemens.

5

QUant Merlin eut faicte ceste grande et
merveilleuse jument il rompit les enchan
temens & apperceut que sa femme estoit ja
faicte de la grandeur de lhomme : & adonc
ledict homme va regarder la femme disant,
que faictz tu la Galemelle : dist la femme je attens
grant Gosier mon amy. Adonc Merlin se print a ri=
re, & leur dist que ses parolles estoyent belles, et que il
vouloit que ilz eussent ainsi nom. Adonc adviserent
ledict Merlin, et luy firent honneur comme a leur
souverain seigneur : puis Merlin leur fist grant che=
re : et leur dist. Allez aval ceste montagne & me ad=
menez une jument que y trouverez.
¶ Comment grant Gosier & Galemenne
allerent querir la jument, et engendre=
rent Gargantua.
ADonc par le commandement de Merlin
grant Gosier & Galemenne descendirent
au bas de la montaigne pour aller que=
rir la grant jument. Grant Gosier qui fut
le premier au bas de la montaigne regardoit venir
Galemelle : & prenoit plaisir a regarder lentredeux
de ses chausses (car ils estoyent tous nudz. Adonc que
Galemelle fut descendue : il luy demanda  quelle
chausse elle avoit la. Adonc luy respond en eslargis=
sant ses cuyses quelle avoit celle playe de nature :
Grant Gosier regardant la playe large & rouge com
me le feu sainct Anthoine : le membre luy dressa : le=
quel il avoit gros comme le ventre dune caque de hare:
et long a ladvenant : il dist a Galemelle que il estoit

6

barbier, et que de son membre feroit esprouvette pour
scavoir si la playe estoit parfonde : a laquelle playe
il ne trouva nul fons : toutesfoys si bien leur agrea
le jeu que ilz engendrerent Gargantua, puis mene
rent la grant jument a Merlin, & Merlin leur dist.
Vous avez engendre ung filz qui fera grant faictz
darmes, & donnera secours au roy Artus a lencon=[1]
tre de ses ennemys, & pourtant vous le debvez bien
traicter et nourrir, et le vous commande : & que fa=
ciez provision de vivres pour quant il sera ne sur ter=
re. En oultre je vous ditz que je ne seray plus avecques
vous, et vous commande sur peine de me desobeir
que quant vostre filz sera en leage de sept ans, que
vous deux ladmenez a la court du roy Artus en la
grant bretaigne, et que opportez aulcunes choses de
par deca pour manifester & monstrer vostre puissan=
ce. Adonc dist grant Gosier. Treschier seigneur com=
me trouverons nous le chemin quant jamais nous
ny fusmes. Dist Merlin vous tournerez la teste de
vostre jument vers occident, & la laissez aller & elle
vous conduyra bien sans fallir. Et adonc Merlin
print congie deulx, dont ilz demenerent si grant dueil
que on les eust bien entenduz de dix lieues, et plou
royent si tresfort que deux moulins eussent peu moul=
dre de leaue qui leur sortoit des yeulx.
GRant Gosier et Galemelle sen vont a
la chasse pour oublier lennuy quilz a=
noyent de Merlin, ou ilz trouverent une
grande trouppe de cerfz. Grant Gosier
sen alla apres, et en print une douzaine
[1] Virgule en lieu d'une marque de césure.

7

des plus grans. Adonc regarda derriere luy, et ne
veit point Galemelle, car elle navoit point de cou
stume de demourer derriere. Adonc chargea les dou=
ze bestes a son col pour veoir ou elle estoit demou=
ree. Quant il fut pres delles il advisa que elle estoit
acouchée, & apperceut que cestoit dung filz masle.
Adonc le nomma Gargantua (lequel est ung ver=
be grec) qui vault autant a dire : comme tu as ung
beau filz. Adonc la mere dist que elle vouloit que il
eust ainsi nom : & le pere fut dacord. Lors prindrent
lenfant Gargantua a chacun par une main, & le me=
nerent a la mointaigne ou ilz faisoyent leurs demou
rances. Aulcuns acteurs veuillent dire que Gar=
gantua fut totallement nourry dechair en son en=
fance. Je dis que non (ainsi que dit Morgain & plu
sieurs aultres) car sa mere povoit bien porter a chas=
cune de ses mammelles cinquante pippes de laict.
Le pere et la mere prenoyent plaisir a le nourrir, car
il leur faisoit tout plain de petis passe temps ; aulcu
nesfoys il se esbatoyt a getter des pierres du hault
en bas de la montaigne comme font petis enfans :
lesquelles nestoient[2] point moindres de la pesanteur
de troys tonneaulx de vin : et par foys sen alloit es=
batre en la forest comme font petis jouvenceaulx :
et quant il veoit aulcun oyseau pour son plaisir il
leur gettoit[3] quelque pierres : lesquelles pierres luy
sembloyent bien petites. Elles nestoyent pas moins
grosses que deux meulles de moulin. Et si luy pe=
soyent moins en la main que ne feroit une demye noix
en la main dung homme de maintenant.
[2] nostoient.
[3] gettoir.

8

¶ Comment grant Gosier Galemelle pense=
rent de leurs affaires pour aller chercher Mer=
lin a la court du du Roy Artus.
GRant Gosier advise que leur filz est grant
& bien nourry & que les sept ans sapprochent
et que il fault quilz le menent a la court
du roy Arthus ainsi que leur a dit Mer=[4]
lin a son departement. Lors sen va grant
Gosier dung coste & sa femme de lautre pour chasser
des vivres. Tant firent que en peu de temps quilz eurent assez
pour faire leur voyage. Et les chargerent lesditz vi=[5]
vres sur la grant jument : qui estoit bien a lestimation
de cinq cens charges de pain & chairs fresche & salee.
De vin ne faisoyent point de provision. Puis tour=
nerent[6] la grant jument ma teste vers les parties docci=
dent : & donnerent a Gargantua une verge pour la
toucher : laquelle estoit comme ung grant mas de na
vire. Un regard de grant Gosier & Galemelle ilz prin
drent chascun ung grant rochier sur leur teste pour
monstrer leur puissance au Roy Artus quant ilz se=
royent en son royaulme (ainsi que leur avoit conseil=
lé. Merlin a son departement) desquelz rochiers vous
orrez parler plus a plain en lhystoire.
¶ Comment ilz se misdrent a chemin
Et des forestz de champaigne.
TAnt a faict grant Gosier & sa compai=
gnie quilz sont arrivez a Romme, & de la sont
venuz en allemaigne, en souyce. Et au
pays de Lorraine : et de la grant champai=
gne : ou il avoit pour ce temps la de grans
[4] une virgule en lieu d'une marque de césure.
[5] une virgule en lieu d'une marque de césure.
[6] tuornerent.

9

boys : & de celluy temps sabbatoyent les grans forestz
Car il falloit passer par dedans. Quant la grant
jument fut dedans les forestz de champaigne[7] les mou
ches se prindrent a la picquer au cul ladicte jument
qui avoit la queue de deux cens brasses. Et grosse a
ladvenant : se print a esmoucher : et alors vous eussiez
veu tomber ses gros chesnes menu comme gresle : & tant
continua ladicte beste que il ny demoura arbre debout
que tout ne fust rue par terre : et autant en fist en la beaul
ce : car a pressent ny a nul boys : et sont contrainctz les
gens du pays de eulx chauffer de feurre ou de chaul=
me. Et Gargantua qui suyvoit ladicte jument : & ne la
povoit arrester se mist ung ecot de boys ou petit or=
teil qui pesoit plus de deux cens livres. Gargantua se
troua blece et se print a clocher en disant a son pe=
re & mere que il se vouloit resposer. Alors sen allerent
au rivaige de la mer ou a present est le mont sainct
michel. Quant grant Gosier & Galemenne & Gargan=
tua furent au rivaige de la mer ilz furent bien esbahys
de veoir tant deaue Alors grant Gosier demanda le
chemin pour aller en la grant bretaigne ou se tenoit
le Roy artus : et on luy dist que il leur convenoit passer
la mer silz y vouloyent aller. Cependant Garganta
pensoit sont petit orteil & y mettoit une tante que nestoit
pas moins longue de troys toises & estoit ladicte tante
le bout d'ung clochier dune petite parroisse qui estoit la
aupres : duquel clochier il en avoit oste la croise ou
estoit le coq : car elle luy eust faict mal a sa playe a
cause des croisons : & ne mist guieres la playe a estre
guerie. Et notez que il failloit quatre cens aulnes de
[7] cgampaigne.

10

toille pour faire la bande du petit orteil sauf demy quartier
justement Car il lavoit ung peu enfle a cause du mal quil y
avoit eu par avant.
ALors que sceurent les gens du pays que ilz estoyient
au rivaige vous eussiez tant veu venir  de
gens de toutes par pour le veoir que cestoit une cho=
se inestimable, dont entre toutes nations qui y vin=
drent, les bretons leur firent beaucoup de mal. Et
devez scavoir que ce quilz portoyent sur leur testes ilz
le mirent bas & les vivres que portoit la grant ju=
ment sur soy : puis lenvoyerent paistre parmy les lan=
des : & comme bons mesnagiers serrerent bien leur
bagaige. Mais ne sceurent si bien faire ne garder
leur vitaille que en peu dheure vous neussiez veu
ces Bretons a lentour de ces rochiers caches de peur
que on ne les veist : & avecques grans cousteaulx lung
couppoit une grant piece de venaison, l'aultre une
grosse piece de beuf : tant y vindrent de foys que grant
Gosier les apperceut. Lors jura que se ilz namendoyent
ce que il luy avoyent desrobe que ilz mangeroyent
toutes les vaches de leur pays. Ce voyant les bre=
tons ilz leur baillerent deux milles vaches pour re=
compense, sans les veaulx[8] qui ne furent pas du conte.
Adonc grant Gosier & Galemelle dirent que ilz gar
deroyent  bien que plus ne feussent desrobes par le
moyen des deux rochiers, Et alors ledit grant gosier
et Galemelle prindrent chascun le sien sur la teste
ainsi que les avoyent apportez dorient. Et puis se mi=
rent en la mer disant que quant ilz ne auroyent affai=
re qui les pourroyent aussi bien aller querir comme
[8] veulx.

11

il les avoyent portez. Et quant grant Gosier fut assez
avant il mist le sien sur la rive de la mer lequel ro=
chier a present est appelle le mont sainct Michel. Et
mist ledit grant Gosier la poincte contre mont : et le
puis prouver par plusieurs micheletz. Et est ledict ro
chier tresbien garde de present au noble roy de Fran
ce comme vrayes relicques precieuses. Galemelle
vouloit metre le sien contre mais grant Gosier dist
quelle nen feroit riens & que il le failloit porter plus
avant, pensant a luy mesmes que tel pourroit pren=
dre lung qui ne prendroit pas lautre, Galemenne fist
le commandement, & le porta plus loing. Et est le=
dit rochier de present appelle tombellaine. Apres sen
sont retournes les deux personnaiges ou il ont trou=
ve Gargantua qui se gardoit que les bretons ne beson=
gnissent a sa perte comme aultresfoys avoyent faict.
¶ Comment le pere et la mere de Gar=
gantua moururent dune fiebvre et com=
ment Gargantua emporta les cloches
de nostre dame de paris.
APres que grant gosier et Galemelle furent
venuz de porter les deux rochiers : il leur
print une fiebvre continue laquelle si tres=
fort les tourmenta que en brief ilz mouru
rent par faulte dune purgation. Parquoy gargantua
se cuyda desesperer car il se arracha les cheveux & se
gratoit la teste. Il frappoit du pie contre terre, il se de
tordoit les bras : cestoit merveille du dueil quil deme=
noit. Puis son dueil passa et luy souvint quil avoit ouy
dire que Paris estoit la plus grant ville du monde

12

il luy print envie de y aller car il appetoit a veoir
choses nouvelles comme font junes jens. Lors il mon=
ta sur la grant jument & se mist a chemin, quant il fut
pres il se mist a pied & envoya paistre la jument, puis
va entrer en la ville et se alla asseoir sur une des
tours de nostre dame, mais les jambes luy pendoyent
jusques en la riviere de seine et regardoit les cloches
de lune & puis de lautre & se print a bransler les deux
qui sont en la grosse tour lesquelles sont tenues les
plus grosses de France. Adonc vous eussiez veu venir
les parisiens tous a la foule qui le regardoyent & se moc=
quoyent de ce qui il estoit si grant. Lors pensa que il empor
teroit ces deux choses & que il les pendroit au col de sa
jument ainsi que il avoit vu des sonnettes au col
des mules. Adonc sen part et les emporte, qui furent
marris ce furent les parisiens : car de force ne falloit
point user contre luy. Lors se mirent en conseil, et
fut dit que lon yroit le supplier que il les apportast et
mist en leurs places ou il les avoit prinses et que il
sen allast sans plus revenir, et luy donnerent troys
cens beufz & deux cens moutons pour son disner ce que
accorda Gargantua puis sen alla ledict Gargantua
sur le rivaige de la mer dont il estoit venu & lors re=
commensa son dueil : quant il ne veit point son pere
et sa mere[9]   la ou il les avoit laissez mors, car Mer=
lin qui scavoit tout estoit venu pour le reconforter
lequel les avoit faict enterrer. Ledit Merlin vint a
Gargantua & luy dist ne te deconforte plus pour la
mort de ton pere & mere, car je les ay faict enterrer
en ce lieu la. Lors dist Gargantua qui estes vous qui
[9] Les deux derniers mots soudés.

13

ainsi parlez dist merlin je suis celluy qui commanda
a ton pere que il vint par deca pour te presenter au
Roy artus. Dea dist Gargantua esse vous qui avez
nom Merlin ouy dist il et pourtant dispose toy pour
ten venir avec moy en la grant bretaigne servir le
Roy. Alors dist Gargantua, sire Merlin je suis a
vous, ayes pitie du pouvre orphelin, puis dist Mer
lin va querir ta jument et passerons la mer car il est
heure de partir. Gargantua fist son commandement &
amena ladicte jument pres du rivaige de la mer la
quelle eut peur des ondes en sorte que on leust ouye
ronfler de dix lieux puis se print a saulter ruer et
courir. Merlin voyant que Gargantua vouloit al=
ler apres elle dist que il la laissast aller & quelle alloit
en flandres et que ladicte jument estoit chaulde et
pourroit estre converte de beaulx poulains dont les
flamans auroyent de la rasse & que une aultre foys
la pourroit recouvrer. Mais tant y fut ladicte jument quel=
le fist poulains & poulaines pourtant saichez que de ycel
le est venu le nom des grans jumens de Flandres.
¶ Comment Merlin mena Gargantua
en la grant bretaigne.
APres la perte de la grant jument Merlin
fist venir une nue qui porta luy et Gargan=
tua sur le bort de la mer pres Londres.
Lors dist Merlin a Gargantua tu maten=
dras icy & je iray vers le bon Roy artus lequel te fe=
ra grant chere, & te delivrera ung don qui moult te
plaire. Et pourtant ne le refuse de rien que il te comman
de, non feray je dist Gargantua, je feray tout vostre

14

vouloir. Alors sen va Merlin qui salua le Roy puis
dist. Trespuissant prince jamaine ung personnai=
ge en vostre pays lequel est assez puissant pour def=
faire & mettre affin tous voz ennemys silz estoyent
assemblez en ung ost : & plus de cent mille hommes
darmes davantaige. Dea dist le Roy comment est il
possible, moy qui ay tant de vaillans gens de guer=
re jay perdu deux batailles ceste sepaine passee.
Sire dist Merlin a ceste foys leur monstrerez que il
ne vous doibvent pas venir veoir de si pres, Adonc
le Roy & les seigneurs & barons avec Merlin mon
tent a cheval. Et tantost ont trouve Gargantua qui
se pormenoit dont le Roy et les barons furent fort
esmerveilles de sa grosseur & haulteur. Lors le roy
le salua & Gargantua luy rendit son salut comme a
tel prince appartenoit : et le Roy luy demanda son
nom. Sire de son nom ne vous soucies car il est pour
se deffendre en guerre contre son home. Et Gargantua
leur respondist que sil y en avoit trente mil hommes que il
ne luy feroyent riens : adonc luy dist le Roy que sil vou
loit aller combatre contre es Gos & magos lesquelz
luy faisoyent guerre que il labilleroit de livree & luy
baillerois gaiges & bouche a court. Lors le mercia
Gargantua & dist que lon luy fist une masse de fert de
soixante piedz de long : & que par le bout elle feust grosse
comme le ventre de une tine. Lors commanda le Ro que
len cherchasse des fourgeront pour ce faire. Au fur
plus le Roy luy dist que ces Gos et Magos estoyent
fors & puissans & que ilz estoyent armez de pierre de tail=[10]
le & que il en avoit ung qui estoit son prisonnier lequel luy
[10] une virgule en lieu d'une marque de césure.

15

faisoyt peur quant il le regardoit. lors dist Gargan=
tua. Sire vous plaist il que je voye : et le Roy dist
que ouy : & envoya a querir ledit prisonnier comme dist
est. Et quant Gargantua le veit dist. Sire voulez
vous que se prisonnier ne vous face plus peur. Lors
dist le Roy faictes ce que vous vouldres. Et soul=
dain Gargantua print ledit prisonnier par le col=
let et le getta devant tous les Barons si treshault
que lon ne le pouvoit veoir puis tomba tout mort aussi
froisse que si une tour fust tombee sur luy. Puis dist
Gargantua. Sire craignes rien plus cestuy icy
car il ne vous fera plus de peur.
LA massue fut tantost faicte par la science de
Merlin tel que il luy falloit & en brief fust
amenee dedans une grant charete comme
on faict une piece dartillerie : et presentee a Gargan
tua lequel la print bien legierment & jura devant
tous les assistens que jamais ne bevroit ne menge
roit que les Gos et Magos neussent tous sentiz que
pesoit la masse que il tenoit en sa main. Adonc vint
ung poste par le commandement du Roy artus qui
le mena au camp des Gos et Magos et les monstra
audit Gargantua : disant voyla les traistres Gos
et Magos qui nuyt et jour nous veulens destrui=
re. Et tout soudain Gargantua se fourre en la ba=
taille comme ung loup, en ung troupeau de brebiz
frapant de sa massue sa et la criant vive le bon Roy
artus : car je vous monstreray loffence que luy aves
faicte. Les Gos et Magos voyant que il estoit pi=
re que ung grant dyable pour eulx ne luy scavoyent

16

que faire fors tendre le dos : et demandoyent mercy
Mais il navoit pitie de nulz quelz quilz feussent.
lors vint larmee du roy artus qui fist le pillaige. Et
Gargantua retourna a Londres par devers le roy
Et Merlin leur conta le cas : dont le roy fut fort joy
eulx de ses vertus. Lors commanda le Roy dresser 
les tables pour Gargantua· et commanda faire les
feuz de joye en la cite pour la victoire quil avoit con=
tre ses ennemys les Gos et Magos. Lors se assist
Gargantua a table : & a este assis presentement. Et
pour entree de table luy fut servy les jambons de
quatre cens pourceaulx sallez : sans les andouilles
et boudins : et dedans son potaige la chair de deux
cens lievres. & quatre cens pains : dont ung chascun
pesoit cinquante livres : & la chair de deux cens beufz
gras : dont il avoit menge les trippes de lentree de
table. Et ne doubtez pas que le tranchouer la ou on
luy tranchoit sa chair ne fust merveilleusement bien
grant : car il povoit bien tenir dessus ledict tranchouer
la chair de troys ou de quatre beufz : & y avoit six hom
mes  qui ne cessoyent de trancher la chair dessus le=
dict tranchouer et mettre par quartiers : et chascun
quartier de beuf ne luy montoit que ung morceau.
Et quatre puissans hommes qui sans  cesser a chas
cun mourceau quil mangeoit luy jectoyent chascun
une grande paleree de moustarde en la gorge : & pour
la desserte luy servent quatre tonnettes de pommes
cuyttes : et beut dix tonneaulx de cidre a cause quil
ne beuvoit point de vin.
¶ Comment Gargantua fut habille de

17

la livree du Roy Artus.
APres que les tables furent levees & que
Gargantua eust prins sa refection le=
gierement non pas comme font ung
tas de gallans, mais en escoutant les
belles parolles & honnestes iceulx & de=
vises du Roy et des princes qui la assistoyent, A
quoy il prenoit plus de plaisir cent mille foys quil
ne faisoit a boyre ne a menger. Le roy voyant que
graces estoyent rendues & achevees de dire, il man
da querir son grant maistre dhostel, et luy comman=
da que il fist faire les habillemens de livree de Gar=
gantua, & quil fust fourny de chemise et de tous aul=
tres vestemens. Lors dist le maistre dhostel que ainsi
seroit il faict, puis que il luy plaisoit le commander.
Puis fut leve par le commandement dudict grant
maistre dhostel, huyt cens aulnes de toille pour fai
re une chemise audict Gargantua, et cent pour fai=
re les coussons en sorte de carreaulx, lesquelz sont
mis soubz les esselles.
¶ Pour faire son pourpoint fut leve sept cens aul
nes de satin, moytie cramysi et moytie jaulne, Et
trente deux aulnes & demy quartier de velours vert
pour faire la bordeure dudit pourpoint.
¶ Pour faire des chausses audict Gargantua fut
achapte deux cens aulnes descarlate, et troys quar=
tiers & demy, cheux le drapier.
¶ Pour faire le saye de livree fut leve neuf cens aul
nes & demy quartier, moytie rouge & jaulne.
¶ Pour faire la bordure fut achapte .lxx. aulnes

18

de velours cramoysi : moytie rouve & moytie jaul=
ne, ainsi comme est dict par devant.
¶ Pour faire le manteau fut leve quinze cens aul=
nes ung cartier & demy de drap justement.
¶ Pour faire ses souliers fut achapte chez le con
royeurs cinquante peaulx de vache & demye.
¶ Pour faires lese courroyes a les former fut achap
te deux douzaines de peaulx de veau justement.
¶ Pour carreler lesdictz soulliers fut achapte cheux
les taneux le cuyr de trente six beufz.
¶ Pour faire son bonnet a la coquarde fut baille
au bonnetier deux cens quintaux de laine deux li=
vres et demye et ung quart justement.
¶ Son plumart pesoit bien cent troys livres ung
quarteron et davantaige.
¶ Gargantua avoit ung signet dor en ung de ses
doys. Auques avoit troys cens marcs dor dix onces
& deux diniers & demy & y avoit ung rubiz enchas=
se dedans ledict signet qui estoit merveilleusement
bien estime : & pesoit cent trente livres & demye.
¶ Au regard de monteure quoy quon en dye, il ref
fusa de en prendre a cause que il allot bien a pied :
car en trente pas il faisoit autant de chemin que ung
poste eust sceu faire a quatre chevauches avecques
ung bon cheval.
¶ Comment Gargantua remercya
Merlin a secret.
APres que les habillemens furent parachevez &
que Gargantua se veit en ce point atourne et
vestu de ses sumpteulx habillemens il ressembloit

19

au paon qui faict la roue, car il mist ses deux mains
sur ces deux coustez en la presence du bon Roy ar=
tus et de tous les gentilz hommes & nobles barons
& assistans de sa court qui la estoyent presens. Adonc
ledict Gargantua estant esleve sur ces deux piedz il se re=
garda dung fier couraige en faisant deux ou troys
tours de la teste, puis dist : bon faict croire le conseil
dung prudent et saige homme tel comme celluy de
monseigneur Merlin : car bien me dist ce que je voy
maintenant quant il dist que ne reffusasse en rien le bon
Roy artus, car pour ung simple service que luy ay
faict davoir destruytz & vaincuz les gos et magos.
il ma tant ayme quil ma donne ces sumptueux habitz :
dont je suis fort tenu a luy. Lors dist le Roy Artus
a merlin. Cher amy nous regardons gargantua qui est
bien aise destre ne : & dit du bien de vous et de la court.
Parquoy il me semble que il seroit bon que vous alliez
vous monstrer devant luy veoir sil fera ce que il dict :
Puis dist Merlin. Sire il fera plus fort mille foys.
Adonc Merlin sen va devant Gargantua. Et quant
Gargantua apperceut Merlin il vint vers luy & le
salua. Puis Merlin demanda quelle chere & comme
il se portoit. Et Gargantua qui estoit gay, respond que
tresbien se portoit et sur ce il se print a rire si tresfort
et de si grant affection : pour la gentillesse de sa per=
sonne & de lamour que il avoit a Merlin & au Roy Ar=
tus que on lentendit rire de sept lieues & demye. Apres
dist Gargantua. Seigneur Merlin, jamais homme
neut autant de bien au monde comme jen ay par vo=
stre moyen, parquoy je vous remercye.

20

¶ Comment le Roy Artus envoya ambassade aux
Holendoys et irlandoys.
VOus debvez scavoir quant ung grant mal ou
maulvaise fortune advient a aulcun prin=
ce grant seigneur ou aultre pour une il en advient
dix. Ainsi fut il au Roy Artus quant il eut guerre
contre les Gos & Magos, car les holendoys & Ir
landoys qui luy estoyent tributaires se revolterent, et
quant le roy Artus leurs mandoit querir ses deniers
ou ayde & confort de gensdarmes, ilz faisoyent du con
traire. Parquoy luy voyant son bon conseil & la puis=
sance de Gargantua, conclud leur envoyer ambas=
sade & signifier quilz luy eussent a rendre le tribut de[11]
cinq annees, et mettre leurs villes & chasteaulx
entre ses mains, & que leur roy se vint rendre prison=
nier a sa court pour en faire justice telle que raison.
Les Irlandoys & Holendoys ouirent lambassade, de
laquelle ne se firent que mocquer, & dirent que ilz estoyent
deux nations, & que ilz se tiendroyent si fors que le roy
de la grant bretaigne ne leur feroit riens, et deffen=
dirent aux ambassadeurs de non plus parler du roy
Artus sur peine de tenir prison.
¶ Comment les ambassadeurs firent leur
aport, & de la preparation de la guere.
LEs ambassadeurs du roy Artus voyant
la folle responce des Irlandoys & Holen
doys se sont mis sur mer pour tirer vers
Londres ou estoit le roy Artus. Ilz ont
eu bon vent, et ont fort bien exploicte, tant  quilz y
arriverent par ung lundy matin, & le Roy en sceut
[11] Ce mot dupliqué au début de la ligne suivante .

21

les  nouvelles, lequel les manda incontinant venir
par devers luy en sa chambre. Quant ilz furent en
trez ilz le saluerent comme ilz scavoyent bien faire.
Le Roy leur rendit leur salut, en leur demandant
quelles nouvelles il apportoyent[12] . Lors respondi=
rent les ambassadeurs que les Irlandoys & Holendoys
totallement estoyent ses ennemys, & que ilz ne pri=[13]
soyent riens sa puissance. Le roy leur demanda, leur
avez vous parle de la puissance de Gargantua, & ilz
respondirent que non, combien que il leur en souve
noit assez, mais a cause de leur oultrecuydance ne
les avons vouluz advertir de leur prouffit. le roy
leur dist que cestoit bien faict, & ces parolles finees
le roy fist assembler son conseil pour deliberer de la
guerre, aulquel fut appelle Merlin, et plusieurs aul=
tres : et fut conclud que gargantua prendroit gens=
darmes ce que il luy plairoit soubz son enseigne : et
que Merlin les conduyroit et bailleroit conseil a Gar=
gantua ainsi que il avoit de coustume.
¶ Comment Merlin compta a Gargantua que
il luy failloit faire la gurre conte les irlan=
doys et Holendoys.
VOyant Merlin la conclusion du conseil du
bon roy Artus comme celluy qui veult le prouf=
fit de son maistre, il sen est venu a Gargan
tua, et luy a dit. Gargantua levez la main[14] & faictes
serment au Roy de le servir en certaine guerre mou=
vee entre luy & les Irlandoys & Holendoys. Lors
Gargantua qui estoit du coste devers le soleil qui estoit
chault et penetrant, va lever la main tout au lar=
[12] Ces deux derniers mots soudés.
[13] une virgule en lieu d'une marque de césure.
[14] appartoyent

22

ge en sorte quelle faisoit demye lieue & demy quart
dombre tout a la ronde justement : & estoit le soleil sur le
point de midy, & quant Gargantu eut fait le ser
ment, il pria Merlin que il luy donnast conseil : & que
de force avoit assez : & que en brief il luy monstreroit
louvraige que il scavoit faire de sa massue : puis luy
dist Marlin : gargantua il te fault mener avecques
toy deux mille hommes seullement : qui feront le
pillaige quant tu auras gaigne la bataille : et sai=
ches que tu prendras leur roy prisonnier, lequel tu
admeneras au Roy Artus : & les plus apparens de sa
court, et les detiens prisonniers[15] jusques a ce quon
en ait faict present au bon roy Artus. Lors dist Gar
gantua, comment passerons nous la mer. Puis dist
Merlin. Je vous passeray en ung tel navire au nous
passasmes a venir de la petite bretaigne en la gran
de. Et brief fut assemblee larmee et envoyee sur le
port de la mer. Puis Merlin fist venir une grosse
nuee noire, & en ung mouvement furent tous pas=
sez la haulte mer : & se trouverent tous ceulx de lar=
mee, sauf Merlin qui sen retourna a la court du Roy
Artus. Adonc quant Gargantua veit ses gens pres
de luy il ne fut point esbahy : mais leur dist, mes en=
fans attendez moy icy en ce lieu : car je veulx aller
veoir si les portes de ceste ville sont bien fermees : &
scavoir comme elle sappelle : car nous sommes en
pays de conqueste. Adonc Gargantua print sa mas=
sue sur son espaulle. Et sen va vers la ville ou il ren
contra ung homme arme : lequel vouloit monter
a cheval : et luy dist. A qui es tu : et qui est ton mai=
[15] prisonneirs.

23

stre. Adonc lhomme arme fist le signe de la croix en
disant, Ennemy je te conjure. Lors Gargantua le
print et le mist en ung coing de sa gibessiere : et sen
alla vers les portes dicelle ville ou il trouva beau
coup de menu peule, dont il ne tint conte, & les lais=
sa courir en la ville & fermerent les portes & sonne=
rent les cloches pour assembles tout le commune :
laquelle fut incontinent sur les murailles pour get=
ter des pierres contre Gargantua : mais riens ne les
doubtoit : & devant tous se alla asseoir sur lung des
boullevers de la ville : & leur demanda comme avoit
nom la ville, & a qui elle estoit. Lors luy dirent que
elle estoit au Roy dilande, et quellesappelloit Re=
boursin. Adonc demanda gargantua si leur roy estoit
en la ville : et ilz dirent que ouy et adonc Gargan=
tua leur dist que ilz luy allassent dire que il latten=
doit luy & toute sa puissance pour le combatre & me
ner prisonnier au Roy Artus.
¶ Comment le Roy Dirlande et Holende sor=
tit cinq cens hommes darmes pour combatre
Gargantua.
AInsi que Gargantua parloit aux citoy
ens : le Roy dirlande sortit par une faul=
ce porte secrete avecques cinq cens hom
mes bien armez, & vindrent pour assail
lir gargantua qui estoit assis sur le boulevart : & quant
gargantua les veit venir a lencontre de luy il passa
oultre la barriere dedans le boulevart : & se print a ou
vrir la gueulle en se mocquant de si peu de gens que ilz
estoyent. Adonc chascun le ragardoit & disoyent que ce

24

stoit ung diable car il avoit la gueulle fendue de
quatre braces. Puis chascun se print a tirer arballe
stes & arcs contre Gargantua : & se voyant Gargantua
sort legierement du boulevert : et sans frapper aulcun
coup de sa massue les print a belles mains & en em
plist tout le fons de ces chausses. Et une partie mist
en la fante de ces manches, puis sen retourna vers
ces gens qui lattendoyent au bort de la mer et leur
bailla les prisonniers a garder dont ilz furent moult
joyeulx de la belle prinse que avoit faict leur capi=
taine Gargantua.
¶ Comment Gargantua demanda aux prison=
niers si le Roy estoit en leur compagnie.
QUant Gargantua fust venu de bailler
lescarmouche a la ville de roursin qui
estoit la ville capitalle du royaulme & que
il eut prins plusieurs prisonniers il les ap
porta en la fante de ces manches & au fons
de ces chausses & les fist compter par ces gensdarmes &
sen trouva au nombre de troys cens et neuf et ung qui
estoit mort du vent dung[16] pet que avoit faict Gargantua
en ces chausses & avoit le pouvre prisonnier la teste
toute fendue & la cervelle espandue de ce coup de brou
dier car il petoit si rudement que du vent qui sortoit[17] de son
corps il en faisoit verser troys charetees de foing &
dune vesse en faisoit mouldre quatre molins a vent.
Or laissons se pet & lhomme mort et revenons au troys
cens & neuf qui furent contes & interrogues en ceste manie
re par Gargantua. Or sa mes prisonnier si vous vou
lez saulver vostre vie dictes moy en general si vo=
[16] dunt.
[17] sortoir.

25

stre Roy est en vostre compagnie. Adonc dirent tous en
general que il ny estoit point : et quil estoit eschappe par
une petite rue estroicte & cestoit musse en une petite
maison vasse en tirant vers la grant riviere.
¶ Comment Gargantua se disposa de aller
bailler la larmer en la ville de reboursin : & des
tresves qui furent faictes.
LEndemain au point du jour se disposa Gar=
gantua de bailler lassault a la ville de Re=
boursin plus fort que par devant pour scavoir si le
Roy sortiroit comme il avoit ja faict la premiere foy,
il commanda a ses gens que ilz gardissent bien les prison=
niers, & print sa massue a son col & sen alla acouder
sur les murailles de la ville de reboursin. Quant
les assistans[18] le veirent venir ilz lallerent dire au roy :
lequel luy envoya ung messaige pour luy dire quil luy
pleust de luy bailler tresves quinze jours : et quil luy
feroit delivre de la ville deux navires chargees de
haranc frays : & deux cens cacques de macquereaulx
sallez & la moustarde pour les manger : a quoy se ac=
corda Gargantua, par ainsi que le roy preparoit son ar=
mee dedans les quinze jours et que luy mesmes assiste
roit au combat avec toute sa puissance lequel appointe
ment fut ainsi conclud & presente audict Gargantua les
deux navires chargees de haranc frays et les deux
cens cacques de macquereauls sallez & .xx. barilles plai
nes de moustarde. Se voyant Gargantua que il estoit
bien appoisonne il envoya a ses gensdarmes une des
navires de haranc frays seullement avecques deux
cacques de moustarde : & cecy luy fut servy a sa table
[18] aussistans.

26

devant la porte de la ville : ung desjeuner par ung
lundy matin entre sept & huyt heures. Apres que gar
gantua eut desjeune il eut envye de dormir & sen al=
la a ung quart de lieue de la ville en une vallee ou
il se coucha et se endormit. Aulcuns de la ville la=
voyent veu endormu lesquel en firent le raport : dont
il fut dit par le conseil que ilz le yroyent assaillir la
nuyt et quilz le tueroyent endormy. Et quant ilz fu=
rent au lieu ilz cuidoyent devaller la vallee & ilz tum=
boyent dedens la guelle de gargantua qui dormoit la
guelle ouverte : & y tumberent deux cens & cinq juste=
ment. Et quant Gargantua fut esveille il eut grant
soif a cause de ces macquereaulx sallez quil avoit men
ge : il alla a la riviere pour boire & beut tellement quil
mist ladicte riviere a sec. Lors les citoyens qui estoyent
tombez a sa gueulle furent tous noyes.
¶ Comment le Roy Dirlande & Hollende se prepa=
ra & assembla son ost pour resister contre gargantua.
VOyant le Roy Dirlande & Hollende que
il navoit gueres de tresfves il fist diligen
ce de mander par tout son pays de Hollen
de et de Irlande que tout ban et arriere
ban fust prest de venir a sa bonne ville de Rebour=
sin le troysiesme jour de May prochainement ve=
nant : et que chascun fust le mieulx en point pour se
deffendre qui seroit[19] posible. Tant fist le Roy que
en peu de temps il eut a sa court deux cens mille hom
mes bien equippez de ce qui leur estoit necessaire pour
le faict de la guerre. Et quant le roy se veit si bien
acompaigne & de si bons gesndarmes & bien en point
[19] seroir.

27

excepte de artillerie : car en celluy temps il nen estoit
point, il manda par ung herault a Gargantua qui
estoit avecques ces gens sur le bort de la mer a fai=
re frant chere que il vint a la champaigne & que le
Roy lattendoit avec belle compagnie, et que sil ne
venoit bien tost que il le viendroit veoir. Lors Gar
gantua fut bien aise, et dist au herault que il ne print
pas la paine & que il le verroit plustost que ne luy
seroit de besoing, a tant se part le herault : puis dist
gargantua a ces gens que quant il hucheroit que ilz
viensissent pour faire le pillaige. Lors sen va Gar
gantua a larmee sa grosse massue sur son col : & quant
il fut pres il regarda que tout le pays estoit plain &
avoyent faict des angins pour le faire tomber. Ce
voyant il se approcha pres : & ilz luy tireroyent des fle=
ches tant quil ne se veoit pas conduyre. Adonc print
sa massue a deux mains & se esmouche deca et dela
aussi fermement que faict ung Lyon quant il prent sa
proye, & en peu de temps il en tua cent mille deux cens
et dix justement : & vingt qui faisoyent les mors soubz
les aultres : et au meillieu de larmee estoit le Roy &
cinquante grans seigneurs de sa court qui criyent
misericorde. Lors demanda Gargantua : qui estes
vous, et ilz respondirent que cestoit le Roy et les ba
rons d upays. Adonc leur commanda Gargantua que
ilz ne bougeassent & quil les livreroit prisonniers au
roy Artus avecques les aultres pour en faire a sa
vouelnte. Lors Gargantua se print a siffler en paul=
me a ses gent lesquelz estoyent au rivage de la mer
a troys petites lieues de la. Lors incontinent quilz

28

ouyrent leur capitaine gargantua qui siffloit en
paulme ilz savancerent de aller vers luy : car ilz sca=
voyent bien que il les appelleroit pour faire le pillai
ge des gens qui estoyent mors : et quant ilz furent la
et que ilz eurent bien tout pille, Gargantua print
les cinquante prisonniers, et les mist en une dent
creuse quil avoit. En ladicte dent creuse avoit ung jeu
de paulme pour esbatre lesditz prisonniers & mist le
Roy dedans sa gibessiere : puis sont venuz au rivai=
ge de la mer la ou ilz ont trouve le seigneur Merlin
qui les attendoit a venir. lors Merlin fist ses en=
chantemens comme il avoit de coustume : et incon
tinant quilz furent faitz ilz furent tous transmis a
la court du Roy Artus, la ou Gargantua fist present
au noble roy Artus des dessudictz prisonniers. Et
estoyent presens tous les barons de la court dudict
Roy Artus qui furent moult joyeulx, & luy faisoyent
grant honneur et grant reverence & prisoyent beau=
coup la force et puissance de Gargantua.
¶ Comment Gargantua mist ung geant
en sa gibessiere.
LOrs quant Gargantua & Merlin & tou
te larmee furent arrivez a la court du roy
Artus et livrez les prisonniers : le bruyt
fut par toute la ville que il y avoit ung
geant qui avoit douze coudees de hault qui estoit pour
soustenir la partie des Gos & magos. Lequel ou il
passoit il destruysoit tout le pays, & demandoit nou=
velles de Gargantua disant quil vouloit comba=
tre contre luy et venger le meurtre quil avoit faict

29

ausidtz Gos & Magos : & en fut le bruyt si grant quil
vint jusques aux oreilles de Gargantua : lequel fut
bien ayse de ouyr parler de sa puissance : dist que si
ledit geant vouloit servir le Roy Artus que il luy bail
leroit la moytie de ses gaiges que il avoit du Roy
Artus. Lors Gargantua a print sa massue & sen va
veoir ou estoit le geant qui nestoit que a cinq peti=
tes lieues de Londres ou il avoit assiege ung cha=
steau et avoit ja tout destruyt le villaige. Adonc
quant gargantua le veit[20] il le salua, & ledict geant
le regarda & luy dist : cest toy que je cherche, jamais
tu ne retourneras dont tu viens : mais mantenant
seront venges les Gos et Magos. Adonc le geant qui
avoit la veue basse print une grosse massue de boys
& cuydoit frapper Gargantua : & il frappa un gros
chesne. Alors gargantua le va prendre et luy plia
les rains en la forme et maniere que lon plieroit une
douzaine desguillettes et le mist en sa gibessiere et
le porta tout mort a la court du Roy Artus.
¶ Et ainsi vesquit Gargantua au service du Roy
Artus lespace de deux cens ans troys moys et .iiii.
jours justement. Puis fut porte en faierie par Gain
la phee, et Melusine, avecques plusieurs aultres
lesquelz y sont de present.
FINIS
[20] veil.

30

¶ Sensuyt la table de ceste presente hystoire
Et cronicque de Gargantua.
¶ Et premierement.
¶ Comment Merlin fut appelle prince des nigro
manciens a cause des grant merveilles quil faisoit.
¶ Comment Merlin demanda congie daller en orient
pour faire grant Gosier & galemelle qui estoyent
le pere et la mere de Gargantua.
¶ Comment Merlin fist la grant jument pour por
ter le pere et la mere de Gargantua.
¶ Comment grant Gosier & Galemenne engendre=
rent Gargantua : & de lenfance dudict Gargantua.
¶ Comment grant goiser & galemenne & gargantua
furent cerchier merlin : et comment la grant jument
abatit les forestz de champaigne & de la beaulce en
soy esmouchant de sa queue.
¶ comment gargantua & son pere et sa mere arri
verent au[21] port de la mer pres le mont Sainct michel
et le meschief qu leur firent les bretons.
¶ Comment les bretons baillerent a gargantua & a
son pere & a sa mere grant nombre de vaches & veaulx
par le larcin auilz leur avoyent faict.
¶ Comment le pere & la mere de gargantua porte
rent le mont sainct Michel & tombelame ou ilz sont
de present.
¶ Comment le pere & la mere de gargantua mouru
rent : et du dueil que fist le pouvre gargantua.
¶ Comment gargantua sen alla a paris pour pas=
ser son dueil.
¶ Comment il print les deux cloches de nostre dame
[21] aut.

31

de Paris pour les prendre au col de sa grant jument
¶ Comment les Parisiens le prierent quil les remist
en leurs places ou elle sont de present ce que filst ledict
gargantua moyennant le desjeuner quilz luy firent ;
¶ Comment gargantua sen retourna au mont sainct
Michel & comment Merlin sapparut a luy & lemme=
na a la court du roy Artus pour servir ledict Roy.
¶ Comment gargantua deffist les gos et Magos
de sa massue. Et comment ledit gargantua fist son pre=
mier repas a la court du Roy Artus, et fut servy de
plusieurs metz, et de ses abillemens de livre.
¶ Comment gargantua fist guerre aux Holeendoys
et irlandoys, & comment ilz luy baillerent deux na
vires plaines de haranc frays et troys parricques
de macquereaulx sallez pour son desjeuner pour a=[22]
voir tresves. Et comment il sendormit la bouche ou
verte : & tomba troys cens des citoyens en sa gueulle.
¶ Comment il gaigna la bataille et mist le Roy en
sa gibessiere, et ung grant nombre de grans seigneurs
quil mist en prison en sa dent creuse.
¶ Comment gargantua retourna a la court du roy
artus & luy fist present des prisonniers & du Roy de
Hollende et de Irlande.
¶ Comment gargantua alla combatre contre ung
geant. Et comment ledict gargantua luy pleia les
rains et le mist en sa gibessiere.
FINIS.
[22] Virgule en lieu d'une marque de césure.

32

Cy finissent les Cronicques du grant et puis=
sant geant Gargantua, contenant sa genealo=
gie, La grandeur & force de son corps. Aus=
si les merveuilleux faictz darmes quil
fist pour le noble Roy Artus, Tant
contre les Gos et Magos, que
a lencontre du Roy Dirlan
de et zelande. Avecques
les merveilles de Mer
lin. Nouvellement
Imprimees A
Lyon.