La grande et vraye pronostication nouvelle pour l'an 1544

LA grande & vraye Pronostication nouvelle pour lan Mil. CCCCC. xliiii. COmposee a lutilite de tous vrays1 Chrestiens studieux dhonnestes disciplines par maiste Seraphino Callasy Docteur en la tresnoble sience Dastrologie & medecine de tout Enclipodie avecques les foires de France & aussi les tours caniculaires.

Ceste annee nous avons troys eclipses de lune Et une de Soleil

[1]

Aux lecteurs benivoles Salut & paix en Jesuchrist.

EN ce peu de papier quil restoit blanc je respondroye vouluntiers a la calumnie daucuns ocieux Car lon dict communement, Quod opportet mendacel esse memoren, Et puis vous scaves que tout homme est menteur. Parquoy il fault que celluy qui veult mentir pence bien a ce quil aura dict affin quon ne le trouve en deux propos laissant doncques telles resveries je me convertiz a brievement vous exposer ce que je trouve de ceste presente annee Quand Hipocrates a descrit les Epidimees & autres communes maladies advenues en son temps il a tousjours refere les causes dicelles non a lestant present mais des annees precedentes Aussi a faict Thucidide comme tresbien a note le docte Claude Galien Je pareillement ne concidere tant lestat de ceste annee presente comme des passees & de la subsequente Mil. CCCCC. xliiii. En laquelle sera Saturne depuis le premier de mars jusques au .xx. de Juillet parfera sa retrogradation Jupiter des le vii. mars jusques au vi. Juillet sera moleste de retrogradation Mars des le xxii. May jusques au .xxvi. Juillet retrogadera. Venus des le commencement de lannee jusques au .xiiii. de Janvier sera retrograde. Mercure depuis le .xxvi. de mars jusques au .xvii. Dapvril & des le .xx. Juillet & jusques au .xii. Daoust & oultre ce depuis le .xiiii. Novenbre jusques au .iiii. Decembre il retroicedera Et la fondant mon argument il redoubte beaucoup ceste annee ung hourt de pestilences & contraieuses maladies par cestuy climat. Et commencement de quelque insigne commotion entre les Roys, & grands Princes appert aussi de nouvelles entreprinses parmy le commun populaire. De rien toutesfois je ne fais asseurance. Mais en tout evenement le sainct nom de Dieu soit benist.

De la disposition des biens & fruictz de la Terre.

SElon les influences des corps celestes je trouve que nous avons bonne annee de tous biens & fruictz prouvenans de la terre mesmement du grain de foin lesgumages & cultivages lesquelz seront bien dan[2]gereux destre gastez a cause des Planettes dessusdictes qui regneront2 ceste annee.

¶Des Eclipses de ceste presente annee.

EClipse de lune sera le x. jour de Janvier a .vi. heures & xiiii. minutes devant midy au signe de Cancer au xxix. degre et sera toute obscure et durera une heure et Quarante quatre minutes.

¶Eclipse du Soleil sera le xxiiii. jour de Janvier a ix heures & xvii. minutes devant midy au signe de Aquarius au .xiiii. degre et ne sera pas du tout obscure et durera .i. heure.

¶Eclipse de Lune sera le .iii. jour de Juillet a .viii. heures et .xxxii. minutes apres midy au signe de Capricorne et sera toute obscure et durera une heure et .li. minutes.

¶Eclipse de lune. sera le xxix. jour de Decembre a vi. heures et xxviii. minutes devant midy au signe de Cancer au .xviii degre et sera toute obscure et durera .i. heu. et xlviii. mi.

¶Des Lunes nouvelles pleines & quartier Par les douze moys de lan.

Et premierement.

LE second jour de Janvier sera le premier quartier de la Lune de Decembre a deux heures devant mydy et fera beau temps. La pleine lunse sera le .x. jours a six heures et douze minutes devant midy et fera changement de temps. Le dernier quartier sera le dixseptiesme jour dudict moys a six heures après midy et fera beau tamps

¶La lune de Janvier sera nouvelle le vingt quatriesme dudict moys a neuf heures tentedeux minutes devant midy & fera vent froit neige. Le p(re)mier quartier sera le dernier jous dudict moys a dix heures apres midy & fera beautemps La pleine lune sera huyctiesme jour de Febvrier a dix heures trente cinq minutes apres midy, & fera vent, pluye, neige Le dernier quartier sera le seziesme jour dudict moys a une heure devant midy & fera beau temps.

[3]

La lune de Febvrier sera nouvelle le vingtdeuxiesme jour dudict moys a dix heures et seze minutes et fera humide Le premier quartier sera le premier jour de Mars a six heures apres midy & fera beau temps La plaine lune sera le ix. jour dudict moys a midy justement et fera quelque peu de vent Le dernier quartier sera le sixiesme jour dudict moys a sept heures devant midi & fera beau temps.

¶La lune de Mars sera nouvelle le vingttroisiesme jour dudict moys a midi justement et fera pluye vent neige & gresle. Le premier quartier sera le dernier jour dudict moys a .i. heure devant midy & fera beau temps. La plaine lune sera le septiesme jour Dapvril a .x. heures et trente neuf minutes apres midy et fera beau temps. Le dernier quartier sera le qutarziesme jour dudict moys a une heure apres midi et fera beau temps.

¶La lune Dapvril sera nouvelle le vingtdeuziesme jour dudict moys a deux heures et vingthuict minutes devant midy et fera vent puvieux Le premier quartier sera le dernier jour dudict moys a cinq heures devant midy. La pleine lune sera le septiesme jour du moys de may a six heures et cinquant six minutes et fera vent plucieux : Le dernier quartier sera le xiii. jour dudict moys a neuf heures apère)s midy & fera pluie doulce :

¶La nouvelle lune de May sera le xxi. jour dudict moys a cinq heures et quinze minutes apres lidi & fera beau temps Le premier quartier sera le xxix. jour dudict moys a sept heures apres midy et fera beau temps.

La pleine lune sera le cinquiesme jour du moys de Juing a une heure et cinquante troys minutes apres midy et fera pluie doulce Le dernier quartier sera le xii. jour dudict moys a vii. heures devant midy et fera quelque eleudement de temps.

¶La lune de juing sera nouvelle le xx. jour dudict moys a huyt heures et six minutes devant midy et fera gros vent Le premier quartier sera le .xxviii. jour dudict moys a six heures devant midy et fera beautemps.

La pleine lune sera le quatriesme jour de Juillet a huyt heu[4]res3 et trente minutes apres mydy et fera mutation de temps tonnerre pluie vent. Le dernier quartier sera le Xi. jour dudict moys a huict heures apres mydy, et fera beau temps.

¶La lune de Juillet sera nouvelle le .xix. jour dudict mois a dix heures quarante et trois minutes apres midy et fera beau temps. Le premier quartier sera le xxvii. jour dudict moys a deux heures apres midy & fera mutation de temps en vent. La pleine lune sera le .iii. jour Daoust a quatre heures et huict minutes devant midy et fera perturbation de gros vent obscur. Le dernier quartier sera le .x. jour dudict moys a unze heures devant midy et fera quelque peu de vent.

¶La lune Doust sera nouvelle le dixhuict jour dudict mois a une heure et cinq minutes apres midy et fera vent pluvieux. Le premier quartier sera le cingtcinq jour dudict moys a huict heures apres mydy et fera temps nebuleux et pluie. La pleine lune sera le premier jour de Septembre a une heure & xlvi. minutes apres midy et fera beau temps Le dernier quartier sera le .ix. jour dudict moys a cinq heures devant midy et fera temps dangereux.

¶La lune de Septembre sera nouvelle le dixsept jour dudict moys a deux heures cinquante minutes devant midy et fera tonnerre : pluie, gresle, vent, et tempest. Le premier quartier sera le .xxiiii. dudict moys a deux heures devant midy et fera temps nebuleux froit. La pleine lune sera le premier jour Doctobre a deux heures devant midy et fera beau temps. Le dernier quartier sera le .ix. jour dudict moys a une heure devant midy et fera beau temps.

¶La lune Doctobre sera nouvelle le .xvi. jour dudict moys a trois heure & .xxxix. minutes apres midy et fera beau temps. Le premier quartier sera le xx. jour dudict moys a neuf heures devant midy et fera pluie et vent. La pleine lune sera le xxx. jour dudict moys a cinq heures et xx. minutes apres midy et fera beau temps. Le dernier quartier sera le septiesme jour du moys de Novembre a .viii. heures apres midy et fera quelque peu de vent.

¶La lune de Novembre sera nouvelle le xv. jour dudict [5] moys a troys heures .xxiiii. minutes devant midy, et fera vent pluvieulx Le premier quartier sera le xxi. jour dudict moys a six heures apres midy et fera pluye vent neige. La pleine lune sera le xxix. jour dudict moys a unze heures & .xii : minutes devant midi et fera vent, pluye et neige.

Des quatre parties de ceste presente annee.

LE print temps sera le Soleil entrant en aries le dic de Mars a .ix. heures et environ .xxxvi mi. ascendant la seconde triplicite de Gemini en nostre hemispere duquel par multitudes de dinetez est dominateur Saturne. Doncques Febvrier estre passe qui sera fort maulvais venteux pluvieux et multipliant aux montaignes grant neiges il sensuyvra ladicte prime vere plus gracieuse combien que fot inconstant, comme de coustume elle est principalement au moys de may fort venteux et asses froit plus quil ne seroit de besoing Ilz regneront maladies fort longues et souvent mortelles Les gains seront petis sinon ce quil concerne le faict de guerre ruinant plusieurs lieux et fortes places et fera temps bien dispose a femmes pour generation prendre et rendre.

¶Lunziesme de Juing environ huyt heures de nuict entrera le Coleil en cancer montant en nostre hemispere, le .iii. du capricorne qui sera commencement de la quarte de leste moins chaulde que de coustume et fort venteuse. Le populaire & generalite de toutes gens endureront beaucoup a cause de gens darmes Quelque grant prince par maldie sera en doubte de mort et leur sera la prime vere fatale Les femmes se trouveront bien & seront proclines a generation et feront grans en[6]treprinses de navigations par mer mais fort perilieuses.

¶Lautumpne qui est le Soleil entrant en Libra se commencera le .xiii. de Septembre a dix heures de matin & environ xxii. minutes montant en nostre hemispere le .xxiii. degre du Scorpion au commencement fort humide puis froide, et seiche, & fort venteuse environ la sainct Clement ou peu devant quarte au demourant asses bien disposee.

¶Lunziesme de Decembre a troys heures & environ vingt & neuf minutes se commensera4 la quarte de Liver montant en nostre orient le xxiiii. de Gemini avec froit sans exces Beaucoup de maladies tant au populaire que gens destat oultre la commune disposition delivrer regneront & beaucoup mortelles Femmes se porteront mal & seront sujectes beaucoup davorter & mesmement en dangier de leur vie. Dieu de sa benine grace le mal veulle conmuer en bieN.

Les foyres de Lion et de rance

¶Les foyres des Roys commencent le.          xi. de Janvier

¶Itelles finent le    trente dudit moys

¶Celles de Pasques entrent le lundy de quasimodo

¶Celles Daoust entre le   iiii. dudict moys

¶Et finent le.         xxiii. dudict moys

¶Celles de toussainctz entrent5 le.       iii. de Novembre.

¶Icelles finent le.   xx. dudict moys.

¶la foyre de Lyon commence tousjours le lundy dappres le premier jour de lan.

La foyre sainct Germain des pres le.   iii. jour de febvrier

La foyre de Rouen cedict jour la seconde le jour sainct roumain

Le cours de Bien le seond lundi de Caresme.

La foyre de crepi en valoys cedict jour Et la seconde le deux jours de Novembbre

La foyre de sens le .xviii. jour de mars Et la seconde le.xbiii Octobre. La foyre de Compienne commence le lundy de la my Karesme & dure quinze jours.

La foyre de Rens nommee la cousture commence le jeudy dapres Pasques la seconde le jour sainct Remy

Les foyres de troye le .viii. May La seconde a la toussainctz

[7]

La foyre de meaulx a la my May. La seconde

Le jour sainct Martin dyver. La foyre sainct martin diver

La foyre de Chasteauthierry a Lascension

La foyre danvers le mercredy dapres la penthecouste.

Le lendit commence le mercredy dapres la sainct bernabe

La Guybray le secon mercredy Daoust

La sainct Denys le .ix. Octobre.

¶Les jours caniculaires

¶Notez que aux jours caniculaires lesquelz commencent le .x. de Juillet & finissent le xx. Aoust On ne doibt seigner ne prendre medecine laxative Toutes foys il ya des jours notez affin que en necessite soyent esleuz les moins nuysables.

¶Almanac pour lan mil cinq cens xliiii.

Lectre dominicale. F.E. Pasques. le .xiii. April

Nombre dor         vi. Rogations le .xviii. de may.

Ciecle du Soleil.     xii Ascension le .xxii. mau

Indition.      ii. Penthecoste. le .i. Juing

Septuagesime. le .x. de Febvrier. Ladvent le .xxx. Novembre

¶Entre noel & le Dimenche gras sont .viii. sepmaines .iii. jours

Finis.

 

1              Le texte porte vryas.

2              Le texte porte gneront.

3              Le texte porte heu][ures.

4              Le texte porte commesera.

5              Le texte porte entret.